金秀賢前日離開香港就飛咗去印尼舉行嘅粉絲見面會，今日一早佢又已經去到新加坡了。

 

「都教授」金秀賢最近真係忙到陀陀轉呀！早前嚟香港出席化妝品活動時，佢話過最近一直為粉絲見面會周圍飛，教授真係無呃人ｏ架！前日離開香港就飛咗去印尼舉行嘅粉絲見面會，今日一早佢又已經去到新加坡為今晚舉行嘅粉絲見面會做準備。

 

雖然密密飛，密密賺好開心，但相對休息時間就少咗好多。金秀賢今朝到抵新加坡嘅時候個樣勁攰，連平時嘅招牌笑容同鞠躬都冇埋，見到佢咁，粉絲都勁心痛呀！不過粉絲都照樣落力支持金秀賢，得知佢最近加入咗悼念南韓海難嘅「黃絲帶行動」，粉絲們今日專誠帶住黃色應援牌支持教授，金秀賢應該好感動喇！